Vivamus, mea Lesbia, atque amemus,

rumoresque senum severiorum

omnes unius aestimemus assis.

soles occidere et redire possunt:

nobis cum semel occidit previs lux,

nox est perpetua una dormienda.

da mi basia mille deinde centum,

dein mille altera, dein secunda centum,

deinde usque altera mille, dinde centum

dein, cum milia multa fecerimus,

conturbabimus illa ne sciamus,

aut nequis malus invidere possit,

cum tantum sciat esse basiorum.